საკალათბურთო კლუბი „ბათუმი“ სუპერლიგის ჩემპიონი გახდა. ფინალური სერიის მეოთხე მატჩში მოპოვებული გამარჯვებით, ბუბა ბერიშვილის გაწვრთნილმა გუნდმა „თსუ-ს“ სერია 3:1 მოუგო და ისტორიაში პირველად გახდა სუპერლიგის ჩემპიონი.
„ბათუმმა“ ფინალური სერიის მეოთხე შეხვედრაში „თსუ“ 90:81 დაამარცხა. ძირითადი დრო 81:81 დასრულდა, ხოლო მატჩის ბედი დამატებით დროში გადაწყდა, რომელიც „დელფინებმა“ 9:0 მოიგეს.
„ბათუმის“ შემადგენლობიდან გამორჩეული იყო მაირინ ტომასი, მან 28 ქულა, 15 მოხსნა და 6 შედეგიანი გადაცემა დააგროვა, ხოლო მისი ეფექტურობის მაჩვენებელი 34 იყო. აღსანიშნავია, რომ მაირინი ფინალური სერიის საუკეთესო კალათბურთელადაც (FINALS MVP) დასახელდა.
„საკალათბურთო კლუბ ბათუმისთვის“ 2026 წლის სუპერლიგის ფინალი ისტორიული აღმოჩნდა, კლუბმა აღნიშნულ ეტაპს პირველად მიაღწია და სადებიუტო ჩემპიონობაც მოიპოვა.
აღსანიშნავია, რომ 2004 წელს, 22 წლის წინ, ბათუმის საკალათბურთო კლუბმა „ბასკომ“ საქართველოს ჩემპიონობა მოიპოვა.
ავტორი: დიმიტრი გორგილაძე
