„საკალათბურთო კლუბი ბათუმი“ კალათბურთში საქართველოს თასის მერვედფინალის მატჩში „გურჯაანს“ დაუპირისპირდა და ანგარიშით 107:78 მოიგო.
ბუბა ბერიშვილის გაწვრთნილმა გუნდმა შეხვედრის ოთხივე მეოთხედი დამაჯერებლად მოიგო: 27-14; 29-24; 26-19; 25-21, ხოლო „სკ ბათუმმა“ სერიის პირველი გამარჯვება მოიპოვა. „სკ ბათუმის“ მხრიდან ყველაზე შედეგიანები მაირინ ტომასი და აკაკი დვალიშვილი იყვნენ. ამერიკელმა ლეგიონერმა „გურჯაანთან“ მატჩში 20 ქულა, 11 მოხსნა და სამი ასისტი დააგროვა, ხოლო დვალიშვილის ანგარიშზეა 21 ქულა, ხუთი მოხსნა და ხუთი პასი.
„გურჯაანის“ რიგებში საუკეთესო ლეგიონერი ჯეიდან კინგი გახლდათ, 20 ქულით, შვიდი მოხსნით და ორი დაფარებით. საქართველოს თასის მერვედფინალური შეხვედრა სადებიუტო გამოდგა „ბათუმის“ ახალწვეულისთვის, ალფონსო უილისისთვის. ამერიკელმა მცველმა პირველი მატჩი მაღალ დონეზე გამართა. „სკ ბათუმის“ მაისურით მან ოთხი ქულა, რვა მოხსნა და ათი ასისტი დააგროვა „საკალათბურთო კლუბი ბათუმი“ საქართველოს თასის 1/8 ფინალის საპასუხო შეხვედრას 21 იანვარს გამართავს.
ავტორი: დიმიტრი გორგილაძე
