საკალათბურთო კლუბი „ბათუმმა“ სუპერლიგის ფინალური სერიის მესამე შეხვედრა მოიგო. ბათუმელებმა საშინაო პარკეტზე თსუ 81:76 დაამარცხეს და სერიაში დაწინაურდნენ – 2:1. მატჩი მეოთხედების მიხედვით ასე დასრულდა: 21:14, 21:27, 15:19, 24:16.
„ბათუმის“ შემადგენლობაში საუკეთესო მაირინ ტომასი იყო – 20 ქულით, 14 მოხსნით, სამი შედეგიანი გადაცემითა და 25 ეფექტიანობის ქულით. „თსუ“-დან გამორჩეული ალექსანდრე ფევაძე იყო – 20 ქულით, 10 მოხსნით, სამი შედეგიანი გადაცემითა და 25 ეფექტიანობის ქულით.
საკალათბურთო კლუბი ბათუმისა და თსუ-ს შორის ფინალური სერიის მეოთხე მატჩი 28 მაისს, ბათუმის სპორტის სასახლეში გაიმართება.
ავტორი: დიმიტრი გორგილაძე
