„ქართული ოცნება“ ძალადობის პროპაგანდას ღიად ეწევა, ამის შესახებ „ერთიანობა ნაციონალური მოძრაობის“ წევრმა ბრიფინგზე განაცხადა. ნიკა ქაშიბაძის თქმით, მოსახლეობას კარდაკარ ბიულეტენებს ურიგებენ, სადაც დასავლური პარტიები ომის პარტიებად არის მოხსენიებული.
პარტია სადამკვირვებლო მისიებს მოუწოდებს და ფაქტის შეფასებას სთხოვს.
“ბოლო დღეებია ივანიშვილის ხელისუფლება ახორციელებს ძალადობის პროპაგანდას და მოსახლეობას კარდაკარ ურიგებენ, ბიულეტენებს, სადაც პროდასავლური პარტიები მოხსენიებულია როგორც ომის პარტია ნაცვლად იმისა, რომ მოსახლეობას აწვდიდნენ საკუთარ პროგრამას, როგორ დაძლევენ აჭარაში სიღარიბეს, როცა 150 ათასამდე ადამიანი სოცლიაურად დაუცველთა ბაზაშია რეგისტრიორებულია, როცა 10 ათასობით ბავშვი შიმშილობს, როცა ახალგაზრდების დიდი ნაწილი მიდის უცხოეთში, სამარცხვინოა, როცა ამ საკუთხებზე ხელისუფლებას პასუხი არ გააჩნია და მათი მოკავშირე გახდა ძალადობა და რუსული პროპაგანდა მოვუწოდებთ უსკოსა და ცეესკოს დაუყოვნებლივ მოახდინონ რეაგირება ქართული ოცნების მიმართ, რადგა ისინი ეწევიან ძალადობის ღია პროპაგანდას. გვინდა ვთხოვოთ სადამკვირვებლო მისიებს შეფასება მიეცეს მომხდარ ფაქტს.
დღეს კოლბაში გამოწყობილი ბიძინა ივანიშვილი კიდევ მოიტყუებს. ასევე, მაგალითად ქობულეთის საბავშვო ბაღების გაერთიანების დირექტორი ია ხალვაში აიძულებდა თანამშრომლებს ფარსში მონაწილეობას და მათ სამსახურებიდან გათავისუფლებით ემუქრება. ია ხალვაში “ქართული ოცნების აქციაში მონაწილეობისთვის 30 ლარს ურიგებდა, ძალიან ბევრი ადამიანის მხრიდან აჟიოტაჟი მოჰყვა და წინააღმდეგი იყო, ასევე საზღვაო აკადემიის თანამშრომელი მიხეილ ბაჯელიძე სტუდენტებსა და აკადემიის კურსანტებს ავალებდა, რომ ამ ღონისძიებაზე წასულიყვნენ. დიახ, ამ ბინძური ბიულეტენის ძალადობით პროგანადით “ქართული ოცნება” ცდილობს რომ ქართველ ხალხს არჩევნები მოპაროს. ამ კანონდარღვევაზე რეაგირება უნდა მოხდეს და ძალადობრივი პროპაგანტისტი პოლიტიკური გაერთიანება “ქართული ოცნება” უნდა მოიხსნოს რეგისტრაციიდან.”,- განაცხადა ბრიფინგზე ნიკა ქაშიბაძე.
”აჭარა თაიმსი” პოზიციისთვის უნივერსიტეტების ადმინისტრაციებს დაუკავშირდა, კომენტარის გაკეთების შემთხვევაში მასალა განახლდება.
