დასრულდა საერთაშორისო ტურნირი ფეხბურთში „Batumi Cup 2024”. შეჯიბრება U15 (2009 წ.დ) ასაკობრივ კატეგორიაში გაიმართა. ტურნირს გამარჯვებული „ლისაბონის სპორტინგი“ გახდა, პორტუგალიელებმა ფინალში ესპანურ „ლევანტეს“ ეთამაშნენ.
შეხვედრის ძირითადი დრო ფრედ 1-1 დასრულდა, „სპორტინგმა“ გამარჯვება პენალტების სერიაში (ლევანტე 2-4 სპორტინგი) მოიპოვა.
„Batumi Cup 2024-ი“ 18-იდან 22 ოქტომბერს ჩათვლით მიმდინარეობდა. ტურნირში რვა გუნდი მონაწილეობდა, ოთხი ქართული და ოთხი უცხოური. გუნდების ჩამონათვალი: „24 SUBAT, TRABZON“, “სპორტინგი ლისაბონი“, „შახტარი დონეცკი“, „ლევანტე“, „GFF რუხი“, „დინამო თბილისი“, „GFF ქუთაისი“ და „დინამო ბათუმი“. ტურნირი აჭარის ფეხბურთის ფედერაციის ორგანიზებით ჩატარდა.
ავტორი: დიმიტრი გორგილაძე
