30 დეკემბერს ქობულეთელების საახალწლო განწყობაზე ოკუპანტების რჩეული მომღერალი იზრუნებს. AJARATIMES.GE-მ მერიიდან საჯარო ინფორმაცია გამოითხოვა, რომლის მიხედვითაც ირკვევა, რომ წელსაც, მუნიციპალიტეტის მთავარ საახალწლო ღონისძიებაზე მეგი გოგიტიძე იმღერებს.
საჯარო ინფორმაციაში არაა დაკონკრეტებული თუ რა კრიტერიუმით შეარჩიეს ოკუპანტ ქვეყანაში მოღვაწე მომღერალი. ქობულეთის მერიაში არც ის გვითხრეს რამდენს უხდიან ბიუჯეტიდან მეგი გოგიტიძეს.
საერთო ჯამში, 2023 წლის საახალწლო ღონისძიებებისათვის 250 000 ლარია გათვალისწინებული.
