გარემოსდაცვითი ზედამხედველობის დეპარტამენტის ინფორმაციით, სასაზღვრო პოლიციის თანამშრომლებთან ერთად შავი ზღვის დაბინძურების ფაქტი გამოვლინეს.
დადგენილია, რომ ლიბერიის დროშის ქვეშ მცურავმა გემმა ზღვა სამეურნეო წყლებით დააბინძურა. გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმის საფუძველზე, სასამართლომ გემი სამართალდამრღვევად ცნო და 100 000 ლარის ოდენობის ჯარიმა დააკისრა.
გემს საქართველოს ტერიტორიული წყლების დატოვებისა და თავისუფალი ნაოსნობის უფლება მხოლოდ დაკისრებული სანქციისა და გარემოსთვის მიყენებული ზიანის ანაზღაურების შემდეგ მიეცა.
უწყების განცხადებით, მიმდინარე წელს უკვე განხორციელდა 100-ზე მეტი გემის ინსპექტირება, დაფიქსირდა ზღვის დაბინძურების 7 შემთხვევა.
