სურსათის ეროვნული სააგენტოს ინფორმაციით, დაბა ჩაქვში, თამარ მეფის ქუჩაზე მდებარე ერთ-ერთ ვეტერინარულ აფთიაქში გეგმური ინსპექტირებისას ვადაგასული ვეტერინარული პრეპარატები გამოავლინეს.
სააგენტოს ცნობით, ამოღებულია ანტისეპტიკური და ანთების საწინააღმდეგო მალამო „პიხტი“, ანტიმიკრობული და სადეზინფექციო საშუალება „იოდზეფის“ ხსნარი, ასევე ანტიპარაზიტული საინიექციო ხსნარი „Prius“.
სურსათის ეროვნული სააგენტოს განცხადებით, ამოღებული ვადაგასული პრეპარატები სააგენტოს ზედამხედველობით განადგურდება. სააგენტოში აღნიშნავენ, რომ შინაური ცხოველების ჯანმრთელობის დაცვის მიზნით, ვეტერინარული კლინიკებისა და აფთიაქების კონტროლი მთელი ქვეყნის მასშტაბით გრძელდება.
