თოვლის გამო, დაბა ხულოსა და მიმდებარე სოფლებს სასმელი წყალი არ მიეწოდება. მათ შორის, მოსახლეობის ნაწილი ელექტროენერგიის გარეშეა.
მაღალმთიან აჭარაში შექმნილ ვითარებას “ნაციონალური მოძრაობა” ბრიფინგით გამოეხმაურა. პარტიის წარმომადგენლები მთავრობას უმოქმედობაში ადანაშაულებენ.
“რამდენიმე დღეა ხულოს მუნიციპალიტეტს წყალი არ მიეწოდება,სხვადასხვა სოფლები ცივილიზაციას მოწყევტილია. არა აქვთ ელექტრო ენერგია. გაჩერებულია სხვადასხვა ტიპის მომარაგება. გვინდა მივმართოთ, აჭარის ხელისუფლებას – დაუყოვნებლივ მოხდეს მობილიზება სხვადასხვა ტექნიკის, გამწმენდი საშუალებები იქნას შეყვანილი და დაუყოვნებლივ გზების წმენდა დაიწყოს, წყლისა და ელექტრო ენერგიის მომარაგება აღუდგეთ.
წინასაარჩევნოდ ხელისუფლებას ელემენტარული უნარი არ შესწევს მის მოსახლეობას დაეხმაროს, მაშინ როდესაც სტიქია მძვინავრებს და ხელისუფოება ვალდებულია ამაზე უმალ მოახინოს რეაგირება რაც სამწუხაროდ არ ხდება, მოქალაქეები იძულებულები არიან სიცივეში გათბობისა და ელექტრო ენერგიის გარეშე არიან დარჩენილები, კიდევ ძალიან მძიმეა “ქართული ოცნებისთვის” 2024 წელს 26 ოქტომბერს ქართველ ხალხთან ერთად გავცემთ პასუხს”, აცხადებს ნიკა ქაშიბაძე.
ჩვენ დავუკავშირდით ხულოს მერიას, თუმცა ჩვენს სატელეფონო ზარებს არ უპასუხეს. კომენტარის გაკეთების შემთხვევაში მასალა განახლდება.
