საქართველოს შეფასებისა და გამოცდების ეროვნული ცენტრის ინფორმაციით, 2025 წლის გამოცდებზე რეგისტრაციის პროცესი დასრულებულია და გამოქვეყნდა მონაწილეთა სტატისტიკა.
- ერთიან ეროვნულ გამოცდებზე 39 000-ზე მეტი აბიტურიენტი დარეგისტრირდა;
- სტუდენტთა საგრანტო კონკურსში მონაწილეობა 2 400-ზე მეტმა სტუდენტმა მოისურვა;
- საერთო სამაგისტრო გამოცდისათვის რეგისტრაცია გაიარა 10 000-ზე მეტმა მაგისტრანტობის კანდიდატმა;
- მასწავლებლისა და მასწავლებლობის მსურველთა გამოცდებზე 24 300-ზე მეტი აპლიკანტი დარეგისტრირდა.
ერთიან ეროვნულ გამოცდებში მონაწილე აბიტურიენტების საგნობრივი პრიორიტეტები ასე გადანაწილდა:
- ისტორია – 18 900-ზე მეტი აბიტურიენტი;
- მათემატიკა – 13 700-ზე მეტი;
- ბიოლოგია – 3 200-ზე მეტი;
- სამოქალაქო განათლება – 2 600-ზე მეტი;
- გეოგრაფია – 2 300;
- ქიმია – 2 100-ზე მეტი;
- ლიტერატურა – 1 400-ზე მეტი;
- ფიზიკა – 900-ზე მეტი;
- ხელოვნება – 200-ზე მეტი.
აღსანიშნავია, რომ ისტორია კვლავ რჩება ერთ-ერთ ყველაზე მოთხოვნად საგნად აბიტურიენტთა შორის, რასაც მოსდევს მათემატიკა და ბიოლოგია. საქართველოს შეფასებისა და გამოცდების ეროვნული ცენტრის ინფორმაციით, გამოცდების კალენდარი უახლოეს პერიოდში გამოქვეყნდება. აბიტურიენტებსა და სხვა მონაწილეებს შესაძლებლობა ექნებათ პირად კაბინეტში იხილონ გამოცდების ზუსტი თარიღები და ადგილმდებარეობა.
