25 ივნისის საღამოდან 27 ივნისის დილამდე, საქართველოში მოსალოდნელია არახელსაყრელი ამინდის პირობები, ამბობს მეტეოროლოგი კობა ფარტენაძე.
ფარტენაძის პროგნოზით, 26 ივნისს, ღრმა, მაღალ ციკლონთან არსებული გრილი და ნოტიო ჰაერის მასები შექმნის უამინდობის საფუძველს. როგორც, დასავლეთ, ასევე აღმოსავლეთ საქართველოში – მოსალოდნელია წვიმა, ელჭექით, ზოგან ძლიერი, ზოგან ასევე შესაძლებელია სეტყვა და პერიოდულად ძლიერი დასავლეთის ქარი.
“გაითვალისწინეთ, რომ 26-ში მოსალოდნელი ამინდის მკვეთრი გაუარესების ფონზე, შესაძლებელია განვითარდეს სტიქიური პროცესები. 27 ივნისს, დღის საათებში ევროპული ანტიციკლონის გავლენის გაძლიერება დაიწყება, ამიტომაც გამოიდარებს – ტემპერატურა თანდათან მოიმატებს, ამას კი ხელს შეუწყობს აფრიკიდან გაშლილი სუბტროპიკული ქედი,” – ამბობს კობა ფარტენაძე.
