გარემოს ეროვნული სააგენტოს ინფორმაციით, 29-30 დეკემბერს სანაპირო რაიონებში მოსალოდნელია ნალექი, ზოგან ძლიერი ელჭექთან ერთად. შესაძლებელია ქარის გაძლიერება, ხოლო ზღვაზე 4-6 ბალამდე შტორმი.
დასავლეთ საქართველოს მთიან რაიონებში პროგნოზირებულია ძლიერი თოვა, ნისლი და ქარბუქი. მოსალოდნელია გზებზე ლიპყინული და ზვავსაშიშროება.
დიდთოვლობის, ქარბუქის, ხილვადობის გაუარესებისა და ლიპყინულის გამო, საავტომობილო გზების ცალკეულ მონაკვეთებზე შესაძლებელია დროებით შეიზღუდოს ტრანსპორტის მოძრაობა.
ამასთან, მოსალოდნელმა ნალექებმა შესაძლოა მდინარეებზე წყლის დონეების მნიშვნელოვანი მატება გამოიწვიოს, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა ან გააქტიურება (საფრთხის დონე მაღალი).
