“ახალგაზრდა ადვოკატები” ბათუმის მეშვიდე საბავშვო ბაღის გამგის საქმიანობის შესწავლას ითხოვს. შესაბამისი განცხადებით პროკურატურას ორგანიზაციის ხელმძღვანელმა მიმართა.
არჩილ კაიკაციშვილის თქმით, სკოლამდელი დაწესებულების ხელმძღვანელმა შურისძიების მოტივით, ორი აღმზრდელის, დედა-შვილის მიმართ უკანონო მოქმედებები ჩაიდინა. ადვოკატი ამბობს, რომ დასაქმებულები ხელმძღვანელმა უკანონოდ გაათავისუფლა, მშობლები კი მათ წინააღმდეგ აამხედრა.
არჩილ კაიკაციშვილი პროკურატურას გამგის, სოფიო ჩიჩუას საქმიანობით დაინტერესებისკენ მოუწოდებს.
ინფორმაციისთვის: ბათუმის მეშვიდე საჯარო ბაღის თანამშრომლებსა და გამგეს შორის არსებულ დაპირისპირებაზე “აჭარა თაიმსი” დეკემბერში წერდა. მასალის ნახვა შეგიძლიათ აქ.
