„კალათბურთის კლუბ ბათუმის“ ლეგიონერი ტურის საუკეთესო მოთამაშედ დასახელდა

„კალათბურთის კლუბ ბათუმის“ ლეგიონერი, მაირინ ტომასი, საქართველოს საკალათბურთო სუპერლიგის მეშვიდე ტურის MVP (ტურის საუკეთესო მოთამაშე) გახდა.

ტომასმა, რომელმაც ტურის საუკეთესო ხუთეულშიც დაიკავა ადგილი, მატჩი 25 ქულით, 13 მოხსნით და 33-ქულიანი ეფექტურობის (EFF) მაჩვენებლით დაასრულა.

ტომასთან ერთად ტურის სიმბოლურ ხუთეულში შევიდნენ:

• დეტრეკ ბრაუნინგი („რუსთავი“) – 22 ქულა, 6 პასი, 26 EFF;

• ქსავიერ ბელი („კსუ“) – 22 ქულა, 7 მოხსნა, 27 EFF;

• შონ მური („ორბი“) – 17 ქულა, 13 მოხსნა, 38 EFF;

• ივანე მეგენეიშვილი („კსუ“) – 19 ქულა, 9 მოხსნა, 22 EFF.