რაგბის კლუბი „ბათუმი“ საქართველოს რაგბის დიდი 10-ის მე-15 ტურის მატჩში სტუმრად ქუთაისის „არესს“ დაუპირისპირდა და შეხვედრა ანგარიშით 33:17 მოიგო.
ბათუმის მხრიდან ვაჟა თაგაურმა და საბა ხონელიძემ ორ-ორი ლელო გაიტანეს, ხოლო ლეგიონერმა პიტერ უილიამსმა ერთი ლელოს გატანა შეძლო. ორი ზუსტად შესრულებული ჯარიმით თავი ასევე გამოიჩინა ვაჟა მიქაძემ.
შეხვედრის საუკეთესო მოთამაშის ტიტული ლაშა ფოფხაძეს (რკ „ბათუმი“) ერგო.
მე-15 ტურის შემდეგ რკ „ბათუმი“ რაგბის დიდი 10-ის სატურნირო ცხრილის ლიდერია. „ბათუმელები“ 53 ქულით პირველ ადგილს იკავებენ და მეორეადგილოსან „არესს“ ორი ქულით უსწრებენ.
ავტორი: დიმიტრი გორგილაძე
