შინაგან საქმეთა სამინისტროს ინფორმაციით, დიდი და განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვის ბრალდებით ბათუმში თურქეთის რესპუბლიკის ორი მოქალაქე დააკავეს.
უწყების ცნობით, დაკავებულები არიან 1986 წელს დაბადებული ო.თ. და 1999 წელს დაბადებული მ.გ.
ბრალდებულების პირადი და საცხოვრებელი ბინის ჩხრეკის შედეგად განსაკუთრებით დიდი ოდენობით ფსიქოტროპული ნივთიერება „პრეგაბალინი“ ამოიღეს.
გამოძიება საქართველოს სისხლის სამართლის კოდექსის 261-ე მუხლის მე-2 და მე-3 ნაწილების „ა“ ქვეპუნქტით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.
