ხულოს მუნიციპალიტეტის სოფელ წაბლანაში გაჩენილი ხანძრის შედეგად სრულად დაიწვა საცხოვრებელი სახლი. შემთხვევის შედეგად არავინ დაშავებულა.
ადგილობრივების ინფორმაციით, სამაშველო ჯგუფის მისვლამდე, სოფლის მოსახლეობამ საკუთარი ძალებით შეძლო დამხმარე ნაგებობისა და ბოსლის გადარჩენა.
როგორც ხულოს საკრებულოს ოპოზიციონერი დეპუტატი ბესიკ შაინიძე აცხადებს, სხალთა-ხიხაძირის ხეობას ამ დრომდე არ გააჩნია სახანძრო სისტემა, რაც ცეცხლის დროული ლოკალიზაციის შესაძლებლობას მნიშვნელოვნად ართულებს.
მისივე თქმით, აღნიშნული საკითხი არაერთხელ იქნა დაყენებული როგორც ადგილობრივი მოსახლეობის, ასევე მისი მხრიდან საკრებულოს სხდომებზე, თუმცა პრობლემა კვლავ მოუგვარებელია.
