„საკალათბურთო კლუბმა ბათუმმა“ სუპერლიგის მე-20 ტურში „თსუ-სთან“ 90:92 წააგო. შეხვედრა დაძაბული გამოდგა.
ბუბა ბერიშვილის გაწვრთნილმა გუნდმა მეტოქეს პირველ და მესამე მეოთხედებში სძლია (25:21 და 27:20), თუმცა მეორე და მეოთხე პერიოდები „თსუ-მ“ მოიგო და საბოლოოდ „დელფინები“ დაამარცხა. შედეგად, „ბათუმის“ ხუთმატჩიანი წაუგებელი სერია დასრულდა.
მატჩის საუკეთესო მოთამაშედ ბათუმელი ლეგიონერი მაირონ ტომასი დასახელდა. მის ანგარიშზეა 19 ქულა, 13 მოხსნა და 3 პასი, ხოლო ეფექტურობის მაჩვენებლით (EFF) ტომასმა 24 ქულა დააგროვა.
„თსუ-ს“ შემადგენლობაში საუკეთესო ჰარდრიქტი იყო – 16 ქულით, 2 მოხსნით, 6 პასითა და EFF 19-ით.
„საკალათბურთო კლუბი ბათუმი“ მომდევნო შეხვედრას 4 აპრილს გამართავს – „დელფინები“ სუპერლიგის 21-ე ტურში „ივერიონს“ უმასპინძლებენ.
ავტორი: დიმიტრი გორგილაძე
