„დინამო ბათუმმა“ სეზონის პირველი საშინაო მარცხი განიცადა. ეროვნული ლიგის მეშვიდე ტურში „თოლიები“ „იბერია 1999“-ს დაუპირისპირდნენ და მატჩი დიდი ანგარიშით, 0:3 დათმეს.
შეხვედრაში ანგარიში მე-10 წუთზე ღუდუშაურმა გახსნა. 58-ე წუთზე ჯინჯოლავამ თერთმეტმეტრიანი დარტყმა ზუსტად შეასრულა და სტუმრების უპირატესობა ორ ბურთამდე გაზარდა. საბოლოო ანგარიში 66-ე წუთზე ძაგანიას გატანილმა გოლმა დააფიქსირა.
შვიდი ტურის შემდეგ „დინამო ბათუმი“ ეროვნული ლიგის სატურნირო ცხრილში შვიდი ქულით მეცხრე ადგილს იკავებს და გასავარდნ ზონაში იმყოფება.
„თოლიების“ შემდეგი მატჩი 22 აპრილს გაიმართება – მერვე ტურში „ბათუმელები“ სტუმრად „გორის დილას“ დაუპირისპირდებიან.
