შინაგან საქმეთა სამინისტროს ინფორმაციით, ინტერპოლის წითელი ცირკულარით ძებნილი, თურქეთის რესპუბლიკის მოქალაქე, 1974 წელს დაბადებული მ.ი., ბათუმში დააკავეს.
უწყების ცნობით, მ.ი. თურქეთის სამართალდამცავი ორგანოების მიერ ძალადობის გამოყენებით ფულადი თანხის გატაცების ბრალდებით იძებნებოდა. მისი დაკავება ჩატარებული საგამოძიებო მოქმედებების შედეგად შეძლეს.
ამ ეტაპზე, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.
