სურსათის ეროვნული სააგენტოს ინფორმაციით, ინსპექტორებმა არაგეგმური სახელმწიფო კონტროლის ფარგლებში ბათუმში არალეგალური საკონსერვო საწარმო გამოავლინეს.
უწყების ცნობით, შპს „ნთკ 2016“-ში (მისამართი: ქიქავას ქუჩა N13), სადაც საწებლებისა და აჯიკის წარმოება მიმდინარეობდა, ინსპექტირებისას გამოვლინდა როგორც კრიტიკული, ისე არაკრიტიკული შეუსაბამობები. მათ შორის, დარღვეული იყო ჰიგიენური ნორმები.
დარღვევების გამო, ბიზნესოპერატორი დაჯარიმდა მოქმედი კანონმდებლობის შესაბამისად, ხოლო კრიტიკული შეუსაბამობების სრულად აღმოფხვრამდე საწარმოო პროცესი შეჩერდა.
ამასთან, ინსპექტორებმა ადგილზე დალუქეს 41 ბიდონი პომიდვრის სოუსი და 560 ქილა აჯიკა.
