შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა, საქართველოს ტერიტორიულ წყლებში ნაოსნობის წესების დარღვევის ფაქტზე, ლიბერიის დროშის ქვეშ მცურავი კონტეინერმზიდი გემი „MSC PROSPERITY II“ დააკავეს.
უწყების ინფორმაციით, გემის კაპიტნის მიმართ სასაზღვრო პოლიციის ოპერატიულ-საგამოძიებო დეპარტამენტის თანამშრომლებმა ადმინისტრაციული საქმისწარმოება დაიწყეს.
საქმე განიხილება ადმინისტრაციულ სამართალდარღვევათა კოდექსის 114-ე პრიმა მუხლის პირველი პრიმა ნაწილის „თ“ ქვეპუნქტის საფუძველზე, რაც ნაოსნობის წესების დარღვევას გულისხმობს.
გემის კაპიტანს სახელმწიფო ბიუჯეტის სასარგებლოდ 50 000 ლარის ოდენობის ჯარიმა დაეკისრა. ჯარიმის გადახდის შემდეგ, კონტეინერმზიდს საქართველოს ტერიტორიული წყლების დატოვებისა და თავისუფალი ნაოსნობის გაგრძელების უფლება მიეცა.
