სურსათის ეროვნული სააგენტოს ინფორმაციით, ბათუმში ხორცის გადამამუშავებელი არალეგალური საწარმო შპს „შაჰ ქათამი“ (აეროპორტის გზატკეცილი N205) გამოვლინდა.
უწყების ცნობით, სახელმწიფო კონტროლის ფარგლებში დადგინდა, რომ ბიზნესოპერატორი საქმიანობას სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე ახორციელებდა. ასევე, დარღვეული იყო მომხმარებლისთვის სურსათის შესახებ ინფორმაციის მიწოდების წესები.
გამოვლენილი შეუსაბამობების გამო, კომპანია დაჯარიმდა, ხოლო საწარმოს საწარმოო პროცესი შეუჩერდა.
