გარემოს ეროვნული სააგენტოს ინფორმაციით, 29–30 მაისს საქართველოს მთელ ტერიტორიაზე მოსალოდნელია ამინდის გაუარესება. მოსალოდნელია ნალექი, ზოგან ძლიერი ინტენსივობით. ასევე შესაძლებელია ელჭექი და სეტყვა.
მეტეოროლოგების პროგნოზით, ქვეყნის მასშტაბით იქროლებს დასავლეთის ძლიერი ქარი, ხოლო აღმოსავლეთ საქართველოში, მათ შორის თბილისშიც, პერიოდულად ძალიან ძლიერი ქარი იქნება. შავ ზღვაზე მოსალოდნელია 4-5 ბალიანი შტორმი.
ამასთან, ნალექების ფონზე შესაძლებელია მდინარეებში წყლის დონის მნიშვნელოვნად მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრული და ღვარცოფული პროცესების გააქტიურება. სააგენტო აღნიშნავს, რომ საფრთხის დონე საშუალოა.
