„აჭარა თაიმსის“ ინფორმაციით, ქობულეთში, სოფელ კვირიკეში ახალგაზრდა კაცი დენის დარტყმის შედეგად გარდაიცვალა.
ამ ეტაპზე შემთხვევის დამატებითი გარემოებები ჩვენთვის უცნობია.
მომხდარ ფაქტზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 240-ე მუხლით დაიწყო, რაც სამშენებლო ან სხვა სამუშაოს წარმოებისას უსაფრთხოების წესების დარღვევას გულოსხმობს.
ეს მუხლი გამოიყენება მაშინ, როცა სამუშაო პროცესში უსაფრთხოების მოთხოვნების დარღვევას მოჰყვება შედეგი, მაგალითად, ადამიანის ჯანმრთელობის დაზიანება ან გარდაცვალება.
