შინაგან საქმეთა სამინისტროს ინფორმაციით, განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვისა და საქართველოში შემოტანის ბრალდებით, გერმანიისა და რუსეთის ორმაგი მოქალაქეობის მქონე პირი დააკავეს.
უწყების ცნობით, სამართალდამცველებმა „სარფის“ საბაჟო გამშვები პუნქტის ტერიტორიაზე ბრალდებულის ხელბარგი შეამოწმეს, რა დროსაც ნივთმტკიცებად განსაკუთრებით დიდი ოდენობით – 1 400 აბი ფსიქოტროპული ნივთიერება „პრეგაბალინი“ ამოიღეს.
შსს-ს ინფორმაციით, გამოძიება საქართველოს სისხლის სამართლის კოდექსის 261-ე და 263-ე მუხლებით მიმდინარეობს, რაც სასჯელის სახით 12 წლამდე ვადით თავისუფლების აღკვეთას ითვალისწინებს.
