მომსახურების სააგენტოს ინფორმაციით, მძღოლობის კანდიდატები, რომლებიც ერთიან ეროვნულ, საგრანტო ან საერთო სამაგისტრო გამოცდებში მონაწილეობენ, სპეციალური შეღავათით ისარგებლებენ.
სააგენტოს განმარტებით, თუ სატრანსპორტო საშუალების მართვის უფლების მისაღები პრაქტიკული გამოცდის მეორე ეტაპის თარიღი ემთხვევა ეროვნული, საგრანტო ან სამაგისტრო გამოცდის დღეს, კანდიდატს შესაძლებლობა ექნება საგამოცდო დრო შეცვალოს.
ამისთვის აუცილებელია, მძღოლობის კანდიდატმა ელექტრონულ მისამართზე sagency@sa.gov.ge გაგზავნოს საგამოცდო ბარათი და საიდენტიფიკაციო დოკუმენტი.
მომსახურების სააგენტოს ცნობით, წარმოდგენილი ინფორმაციის დამუშავების შემდეგ კანდიდატს გამოცდის ახალი დრო განესაზღვრება. სააგენტოში განმარტავენ, რომ ცვლილების მიზანი გამოცდების გადაკვეთის გამო კანდიდატებისთვის დამატებითი დაბრკოლებების თავიდან აცილებაა.
დაკავშირებული თემები ⇓
მართვის მოწმობის გამოცდებზე ახალი წესები ამოქმედდა – ბათუმსა და გორში მარშრუტებიც შეიცვალა
საქართველოში საერთაშორისო მართვის მოწმობების გაცემა დაიწყო
სატრანსპორტო საშუალების მართვის მოწმობის ვადები კატეგორიების და ქვეკატეგორიების მიხედვით განისაზღვრა
