„აჭარა თაიმსის“ ინფორმაციით, ბათუმში, ანგისის ქუჩაზე მდებარე საცხოვრებელ ბინაში გაზის ბალონის აფეთქების შედეგად ერთი ადამიანი დაშავდა.
დაშავებული სასწრაფო სამედიცინო დახმარების ჯგუფმა კლინიკაში გადაიყვანა. პირველადი ინფორმაციით, მისი მდგომარეობა სტაბილურია და კონტაქტურია.
ბინა, სადაც აფეთქება მოხდა, ოფიციალურად ჩაბარებული არ არის. შესაბამისად, შენობას ბუნებრივი აირი არ მიეწოდება და მოსახლეობა გაზის ბალონებით სარგებლობს.
შემთხვევის ადგილზე მობილიზებული იყვნენ მეხანძრე-მაშველები, პოლიციის თანამშრომლები და სასწრაფო სამედიცინო დახმარების ეკიპაჟი.
აფეთქების გამომწვევი მიზეზი ამ დროისთვის უცნობია.
განახლება: მოგვიანებით ჩვენთვის კიდევ ერთი ადამიანის დაშავების შესახებ გახდა ცნობილი. საგანგებო სიტუაციების მართვის სამსახურში განმარტეს, რომ მეორე ადამიანიც მსუბუქად დაშავდა.
