შეფასებისა და გამოცდების ეროვნულმა ცენტრმა აბიტურიენტებისთვის ქართული ენისა და ლიტერატურის, ოსური ენის, ისტორიის, ქიმიის, მათემატიკის, სახვითი და გამოყენებითი ხელოვნებისა და სამოქალაქო განათლების გამოცდების პირველადი შედეგები გამოაქვეყნა.
შედეგების სანახავად აბიტურიენტმა უნდა შევიდეს ვებგვერდზე online.naec.ge, სადაც პირადი ნომრისა და რვანიშნა პაროლის მითითების შემდეგ შეძლებს ნახოს როგორც საკუთარი ნაშრომის ასლი, ისე შესაბამის საგანში მიღებული პირველადი („ნედლი“) ქულა.
საგნების მიხედვით მაქსიმალური და მინიმალური გამსვლელი ქულები ასეთია:
- ქართული ენა და ლიტერატურა, ოსური ენა, ისტორია – მაქსიმალური ქულა 60, მინიმალური გამსვლელი – 15-ზე მეტი;
- ქიმია – მაქსიმალური ქულა 63, მინიმალური გამსვლელი – 16;
- სახვითი და გამოყენებითი ხელოვნება – მაქსიმალური ქულა 70, მინიმალური გამსვლელი – 18;
- სამოქალაქო განათლება – მაქსიმალური ქულა 60, მინიმალური გამსვლელი – 16;
- მათემატიკა – მაქსიმალური ქულა 51, მინიმალური გამსვლელი – 10.2.
ცენტრის განმარტებით, ქართულ ენასა და ლიტერატურასა და ისტორიაში ზღვრის გადალახვის შესაძლებლობას ინარჩუნებს ის აბიტურიენტიც, რომლის ქულა გათანაბრების შემდეგ 15-ზე მეტი გახდება. მათემატიკაში კი ზღვრის გადალახვა შესაძლებელი იქნება იმ შემთხვევაში, თუ გათანაბრების შემდეგ ქულა 10.2-ზე მეტი იქნება.
აჭარაში ეროვნული გამოცდების პირველ სესიაზე აბიტურიენტების უმეტესობა გამოცხადდა
2025 წლის გამოცდებზე რეგისტრაციის სტატისტიკა ცნობილია
გამოცდების პირველ დღეს აბიტურიენტთა 93%-ზე მეტი გამოცხადდა – Naec.ge
