ფინანსთა სამინისტროს შემოსავლების სამსახურის ინფორმაციით, „სარფის“ საბაჟო გამშვებ პუნქტზე მებაჟე ოფიცრებმა უცხო ქვეყნის მოქალაქეების მართვის ქვეშ არსებული ავტომობილებიდან ცეცხლსასროლი იარაღის, ორი მჭიდისა და 98 საბრძოლო ვაზნის საქართველოში შემოტანა აღკვეთეს.
უწყების ცნობით, სამართალდარღვევის ფაქტები ავტომობილების დეტალური დათვალიერების შედეგად გამოვლინდა. იარაღი და საბრძოლო მასალა ავტომობილებში მალულად იყო განთავსებული.
სამივე კანონდამრღვევი მოქალაქის მიმართ შედგენილი საქმის მასალები შემდგომი რეაგირების მიზნით შინაგან საქმეთა სამინისტროს გადაეცა.
