“კორუფციასთან ბრძოლის საინფორმაციო ცენტრის” ხელმძღვანელის თქმით, მახინჯაურის პოლიკლინიკა სამედიცინო ცნობას პაციენტის შემოწმების გარეშე გასცემს. მერაბ ღოღობერიძემ დღეს, ერთგვარი ექსპერიმენტი ჩაატარა და შესაბამისი მტკიცებულებებიც მოიპოვა, რომლის თანახმადაც ირკვევა, რომ მოქალაქემ 15 ლარად ცნობა შეუფერხებლად მიიღო.
ღოღბერიძის თქმით, სამედიცინო შემოწმების გარეშე ცნობას ხშირ შემთხვევაში მართვის მოწმობის მსურველები იღებენ.
“აჭარა თაიმსი” კომენტარისთვის სამედიცინო დაწესებულებას რამდენჯერმე დაუკავშირდა, სადაც გვითხრეს, რომ თავად დაგვირეკავენ.
ინფორმაციისთვის: მახინჯაურში არსებული სამედიცინო ცენტრი “მედალფას” მფლობელობაშია. აჭარის ჯანდაცვის სამინისტროში განმარტეს, რომ კერძო კლინიკების კონტროლი მათ კომპეტენციას სცილდება, ხოლო დარღვევების შემთხვევაში კონტროლს სამედიცინო და ფარმაცევტული საქმიანობის რეგულირების სააგენტო ახდენს.
