“აჭარა თაიმსის” წყაროს ცნობით, თორნიკე რიჟვაძე და თინა ზოიძე აჭარის უმაღლესი საბჭოს არჩევნებზე “ქართული ოცნების” პარტიულ სიაში იქნებიან. ამავე წყაროს ინფორმაციით, მმართველი გუნდი პარტიულ სიას დღეს, დღის ბოლოს წარადგენს.
“აჭარა თაიმსი” ინფორმაციის დაზუსტების მიზნით თორნიკე რიჟვაძესა და თინა ზოიძეს დაუკავშირდა, თუმცა მათ კითხვა უპასუხოდ დატოვეს. კითხვებს არ უპასუხეს პარტიის პრესსამსახურშიც.
ინფორმაციისთვის: პარტიებს უსკოში სიის წარდგენა დღეს, 18:00 საათამდე შეუძლიათ. უმაღლესს საარჩევნო კომისიაში “აჭარა თაიმსს” განუცხადეს, რომ ამ დროისთვის მხოლოდ ოთხი პარტიის განაცხადია, მათ შორის კი არაა “ქართული ოცნება”.
აქვე დაგაინტერესებთ: თორნიკე რიჟვაძემ აჭარის დელეგატები წარადგინა
განახლება: აჭარა თაიმსის მიერ გავრცელებული ინფორმაცია რამდენიმე საათში თორნიკე რიჟვაძემ ბრიფინგზე დაადასტურა.
