საქართველოს სუპერლიგის მე-18 ტურის მატჩში „კალათბურთის კლუბმა ბათუმმა“ „ივერიონთან“ დაძაბულ ბრძოლაში 97:103 წააგო. შეხვედრა ზესტაფონის სპორტის სასახლეში გაიმართა.
მატჩის საუკეთესო მოთამაშე რეჯი მესიდორი („ივერიონი“) იყო, რომელმაც 26 ქულა და 12 პასი დააგროვა. ასევე, ივანე მეგენეიშვილმა („ივერიონი“) 16 მოხსნით გამოიჩინა თავი.
ბათუმური გუნდის მხრიდან ყველაზე შედეგიანი მოთამაშე ილია ლონდარიძე გახდა, რომლის ანგარიშზეც 23 ქულაა. ლუკა კალატოზიშვილმა 7 მოხსნა შეასრულა, ხოლო ოთარ ბულიავამ 7 შედეგიანი გადაცემა შეასრულა.
„კალათბურთის კლუბი ბათუმი“ საქართველოს სუპერლიგის შემდეგ შეხვედრას 16 მარტს, თბილისში, „თსუ“-ს წინააღმდეგ გამართავს.
ავტორი: დიმიტრი გორგილაძე
