„რაგბის კლუბმა ბათუმმა“ რაგბი დიდი 10-ის მე-17 ტურში „ყაზბეგს“ დაუპირისპირდა და შეხვედრა დამაჯერებელი ანგარიშით 45:17 მოიგო.
ბათუმელებმა მეტოქეს ჯამში შვიდი ლელო დაუდეს. მატჩის საუკეთესო მოთამაშემ, პიტერ ვილიამსმა, ჰეთ-თრიკი შეასრულა და სამჯერ დაამიწა ბურთი. თითო-თითო ლელო გაიტანეს თხილაიშვილმა, გაბელაიამ, თაგაურმა და ნოზაძემ.
გარდასახვების მხრივ ნოზაძემ სამი ზუსტი დარტყმა შეასრულა, ხოლო მიქაძემ – ორი.
„რაგბის კლუბი ბათუმი“ დიდი 10-ის მომდევნო მატჩს 5 აპრილს „ხარები რუსთავის“ წინააღმდეგ გამართავს.
ავტორი: დიმიტრი გორგილაძე
