ეროვნული ლიგის 26-ე ტურში „დინამო ბათუმი“ „გორის დილას“ დაუპირისპირდა და მატჩი ფრედ, 2:2 დასრულდა.შეხვედრის ანგარიში 39-ე წუთზე ლაშა მენთეშაშვილმა გახსნა და „დილა“ დააწინაურა. პირველი ტაიმის მიწურულს, 45+2-ე წუთზე, ლუკა წულუკიძემ ანგარიში გაათანაბრა.
მეორე ნახევარი „თოლიებმა“ კარგად დაიწყეს. 63-ე წუთზე ომრან იმრანმა „დინამოს“ მეორე გოლი გაიტანა. თუმცა, მატჩის 81-ე წუთზე, „დინამო ბათუმის“ მცველმა ენეს მაჰმუტოვიჩმა ბურთი საკუთარ კარში ჩაჭრა და ანგარიში კვლავ გათანაბრდა.
„დინამო ბათუმი“ მომდევნო შეხვედრას 20 სექტემბერს გამართავს. 27-ე ტურში „თოლიები“ „ქუთაისის ტორპედოს“ დაუპირისპირდებიან.
ავტორი: დიმიტრი გორგილაძე
