დღეს, ბათუმის მუნიციპალურ საბავშვო ბაღებში სააღმზრდელო პროცესი განახლდა. ბათუმის მერიის ინფორმაციით, წელს საბავშვო ბაღებში 2 500 ბავშვი ჩაირიცხა. ჯამში, სკოლამდელ დაწესებულებაში 7 760 აღსაზრდელი ირიცხება.
მერიის ცნობით, ამ დროისთვის მიმდინარეობს ოთხი საბავშვო ბაღის რეაბილიტაცია, ხოლო ორი ახალი ბაღის მშენებლობა. უწყების მტკიცებით, სამუშაოები უახლოეს პერიოდში დასრულდება.
ცნობისთვის, ბათუმში სულ 40 მუნიციპალური საბავშვო ბაღი ფუნქციონირებს, საიდანაც ახალი სასწავლო-სააღმზრდელო წლის დაწყებიდან პროცესი 9 ბაღში შეჩერებულია.
ესენია №2, №6, №9, №10, №16, №18, №20, №29 და №34 საბავშვო ბაღები. მათი ფუნქციონირების შეჩერების მთავარ მიზეზად წლების განმავლობაში გაჭიანურებული სარეაბილიტაციო სამუშაოები სახელდება.
სარეაბილიტაციო სამუშაოების გაჭიანურების საკითხზე ოპოზიციაში კორუფციულ რისკებსა და შესაძლო კორუფციულ გარიგებებზე საუბრობენ. „ლელო – ძლიერი საქართველოს“ წარმომადგენლები აცხადებენ, რომ სამუშაოების დროულად დასრულების პრობლემა ბავშვებსა და მათ მშობლებს აზარალებს.
გონიოში საბავშვო ბაღს მეოთხე წელია ელოდებიან
ქობულეთის საბავშვო ბაღებში თანამშრომლებს მობილურების გამოყენება აეკრძალათ
