„კალათბურთის კლუბმა ბათუმმა“ საქართველოს სუპერლიგის მე-17 ტურში „გურჯაანის დელტა“ 101–98 დაამარცხა. შეხვედრის გამარჯვებული ორ დამატებით ტაიმში გადაწყდა. ბათუმის სპორტის სასახლეში გამართული შეხვედრა ძალიან დაძაბული აღმოჩნდა. თამაშის ძირითად ოთხ ტაიმში (22-32; 17-9; 17-18; 21-18) გამარჯვებული ვერ გამოვლინდა. საბოლოო შედეგი და გამარჯვებული ორ დამატებულ ტაიმში (10-10; 14-11) გაირკვა.
„ბათუმი“ – „დელტას“ შეხვედრაში ყველაზე მეტი ქულა 21 სკილერ პოტერმა („გურჯაანის დელტა“) დააგროვა, ხოლო „ბათუმელებიდან“ ყველაზე შედეგიანი კეილენ უილიამსია, რომელმაც 19 ქულა მიითვალა. „კ/კ ბათუმის“ მხრიდან შესანიშნავი შეხვედრა ჩაატარა ჯესონ ბრენჩლიმ. მის ანგარიშზე 15 მოხსნა და 9 პასი იყო, რაც თამაშის საუკეთესო მაჩვენებელია. „კალათბურთის კლუბი ბათუმი“ საქართველოს სუპერლიგის მორიგ შეხვედრას 31 მარტს „ქუთაისის“ წინააღმდეგ გამართავს.
ავტორი: დიმიტრი გორგილაძე
