„კალათბურთის კლუბმა ბათუმმა“ სუპერლიგის მე-19 ტურში სტუმრად „ქუთაისს“ დაძაბულ მატჩში 101:100 სძლია. ბათუმელებმა გამარჯვება ბოლო წამებზე, ჯექსონ ბრენჩლის მიერ ჩაგდებული სამქულიანის წყალობით მოიპოვეს.
ეს „კ/კ ბათუმის“ ზედიზედ მეორე გამარჯვებაა. შეხვედრის ყველაზე შედეგიანი მოთამაშე ბათუმელთა ლიდერი, ჯექსონ ბრენჩლი გახდა – მან 29 ქულა და 14 მოხსნა დააგროვა.
„ქუთაისის“ მხრიდან საუკეთესო შედეგი აკაკი დვალიშვილმა აჩვენა, რომელმაც 22 ქულა მიითვალა. გიორგი კორსანტიამ 11 მოხსნა გააკეთა, გიორგი ოჩხიკიძემ კი 9 შედეგიანი გადაცემა გაატარა.
„კალათბურთის კლუბი ბათუმი“ სუპერლიგის მორიგ შეხვედრას 5 აპრილს „რაშის“ წინააღმდეგ გამართავს.
ავტორი: დიმიტრი გორგილაძე
