„დინამო ბათუმმა“ საქართველოს ეროვნული ლიგის პირველი ტურის მატჩში „დინამო თბილისი“ მინიმალური ანგარიშით – 1:0 სძლია.
შეხვედრა თავდაპირველად 2 მარტს უნდა ჩატარებულიყო, თუმცა დიდთოვლობის გამო 1 აპრილამდე გადაიდო.
„აჭარაბეთ არენაზე“ გამართულ მატჩში ერთადერთი გოლი 24-ე წუთზე ჯალენ ბლესამ გაიტანა.
ეროვნული ლიგის მომდევნო მატჩში „დინამო ბათუმი“ 5 აპრილს „გორის დილას“ დაუპირისპირდება. შეხვედრა გორში, თენგიზ ბურჯანაძის სახელობის სტადიონზე გაიმართება.
ავტორი: დიმიტრი გორგილაძე
