ბათუმში, სარეაბილიტაციო სამუშაოების გამო, 30 აპრილიდან მაისის ბოლომდე იმედაშვილის ქუჩაზე, პუშკინისა და წერეთლის ქუჩებს შორის არსებულ მონაკვეთში, საავტომობილო მოძრაობა შეიზღუდება.
ბათუმის მერიის ინფორმაციის თანახმად, შეზღუდვის პერიოდში ტრანსპორტის გადაადგილება შესაძლებელი იქნება ბერიძის ქუჩის გავლით. ცვლილება შეეხება მუნიციპალურ ავტობუსებსაც – დროებით იცვლება რამდენიმე მარშრუტის სავალი გზა:
- #7 ავტობუსი – იმოძრავებს ბარათაშვილის, ჭავჭავაძის, დემეტრე თავდადებულის, პუშკინისა და სულაბერიძის ქუჩებით;
- #7ა ავტობუსი – სულაბერიძის, პუშკინის, დემეტრე თავდადებულის და ბარათაშვილის ქუჩებით;
- #11 ავტობუსი – ბარათაშვილის, ჭავჭავაძის, დემეტრე თავდადებულის, პუშკინისა და სოხუმის ქუჩებით;
- ყველა მიმართულებაზე უკუმიმართულება უცვლელი რჩება.
“სარეაბილიტაციო სამუშაოები მოიცავს გიორგი ბრწყინვალის ქუჩიდან სულაბერიძის, პუშკინისა და იმედაშვილის ქუჩების მონაკვეთებს ბაქოს ქუჩამდე,”- წერია მერიის მიერ გავრცელებულ ინფორმაციაში.
