ბათუმში ჩატარებული საგამოძიებო მოქმედებების შედეგად, სამართალდამცველებმა განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და გასაღების მცდელობის ბრალდებით ორი პირი – 1993 წელს დაბადებული საქართველოს მოქალაქე ო.კ. და მოლდოვის რესპუბლიკის მოქალაქე, ასევე 1993 წელს დაბადებული მ.პ. დააკავეს.
შინაგან საქმეთა სამინისტროს ინფორმაციით, ბრალდებულების საცხოვრებელი სახლების ჩხრეკისას ამოღებულია სხვადასხვა სახის ნარკოტიკული საშუალებები, მათ შორის „ალფა-პვპ“, „კლეფედრონი“ და „მეთადონი“. ასევე, სამართალდამცველებმა ნივთმტკიცებად ამოიღეს სარეალიზაციოდ გამზადებული ნარკოტიკები, ელექტრო სასწორები და წებოვანი ლენტები, რაც მიანიშნებს ნარკოტიკული საშუალებების პაკეტირებაზე და შესაძლო გასაღებაზე.
გამოძიება მიმდინარეობს საქართველოს სისხლის სამართლის კოდექსის 260-ე მუხლის მეექვსე ნაწილის „ა“ ქვეპუნქტით (რაც გულისხმობს განსაკუთრებით დიდი ოდენობით ნარკოტიკული საშუალების უკანონო შეძენა-შენახვას) და 19-260-ე მუხლის მეექვსე ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალების გასაღების მცდელობა).
დანაშაული 20 წლამდე ან უვადო თავისუფლების აღკვეთას ითვალისწინებს.
