ბათუმში დღეს რუსული კანონის საწინააღმდეგო აქცია ევროპის მოედანზე გაიმართება. ორგანიზატორები მსურველებს 19 საათზე ელოდებიან.
“ყველას, ვინც ფიქრობთ, რომ რუსული კანონი საფრთხეს უქმნის საქართველოს ევროპულ პერპექტივას; ყველას, ვინც ფიქრობთ, რომ ხელისუფლების სურვილი, საზოგადოების სამართლიანი პროტესტის გამო უკან გაწვეული კანონი მაინც მიიღოს, ემუქრება ჩვენი შვილების დემოკრატიულ, ევროპულ ქვეყანაში ცხოვრების შესაძლებლობას; ყველას, ვინც მიდიხართ დღეს, 14:00 საათზე ბათუმელი სტუდენტების მიერ დაგეგმილ აქციაზე და ვინც ვერ ახერხებთ; გელოდებით ორშაბათს, 15 აპრილს 19:00 საათზე, ევროპის მოედანზე,” – წერია ორგანიზატორების მიერ გავრცელებულ ინფორმაციაში.
ცნობისთვის: დღეს, 14 საათზე სტუდენტების აქციაც გაიმართება, ისინი ბსუ-ს ეზოში შეიკრიბებიან.
