შინაგან საქმეთა სამინისტროს ცნობით, დიდი ოდენობით ნარკოტიკული საშუალების უკანონო შეძენა-შენახვისა და უკანონო რეალიზაციის ხელშეწყობის ბრალდებით უკრაინის მოქალაქე დააკავეს.
უწყების ინფორმაციით, დაკავებულია 1979 წელს დაბადებული ა.ა. სამართალდამცველებმა ბათუმში, ბრალდებულის პირადი ჩხრეკისა და მისი დროებითი საცხოვრებელი ბინის დათვალიერებისას, ასევე სხვადასხვა ლოკაციიდან, ნივთმტკიცებად ამოიღეს 55 შეკვრა სარეალიზაციოდ დაფასოებული განსაკუთრებით დიდი ოდენობით ნარკოტიკული საშუალება „მეთადონი“.
ამავე საცხოვრებელი ბინიდან პოლიციამ ნარკოტიკული საშუალების დაფასოებისთვის საჭირო მასალებიც ამოიღო.
გამოძიება საქართველოს სისხლის სამართლის კოდექსის 260-ე და 19-260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
