საქართველოს 17 წლამდელთა ეროვნული ჩემპიონატი ბერძულ-რომაულ ჭიდაობაში 22-23 მარტს, გორის ახალ სპორტის სასახლეში ჩატარდა. აჭარის ნაკრებმა გუნდურ ჩათვლაში მეორე ადგილი დაიკავა და ვერცხლის მედალი მოიპოვა. ინდივიდუალურად კი, აჭარის ნაკრებიდან ორ სპორტსმენს, გიორგი აზნაურიშვილსა და საბა აბაშიძეს, წარმატება ჰქონდა და ოქროს მედლები მოიპოვეს.
გიორგი აზნაურიშვილი 51 კგ კატეგორიაში ფინალში 5-3 დაამარცხა ნიკა ცეცხლაძე და ოქროს მედალი მოიპოვა. საბა აბაშიძემ, 45 კგ კატეგორიაში, ფინალურ ბრძოლაში 9-1 დაამარცხა ლუკა ბოლქვაძე და ასევე ოქროს მედალი დაიმსახურა.
აჭარის გუნდმა ტურნირზე კიდევ ოთხი ბრინჯაოს მედალი მოიპოვა: 48 კგ კატეგორიაში ვეფხია მგელაძემ, 55 კგ-ში გიორგი ქედელიძემ და რეზი ხიმშიაშვილმა, ხოლო 65 კგ კატეგორიაში მიხეილ ბარდულიანმა. ტურნირში ჯამში 10 წონით კატეგორიაში ჩატარდა შეჯიბრი: 45 კგ, 48 კგ, 51 კგ, 60 კგ, 65 კგ, 71 კგ, 80 კგ, 92 კგ და 110 კგ.
ავტორი: დიმიტრი გორგილაძე
