5 მაისს, ბათუმში, „ახალი თეატრის“ დასი მსმენელის წინაშე განსხვავებული ფორმატითა და პროგრამით წარდგება: რეჟისორმა დავით დოიაშვილმა, ბესტსელერი მიუზიკლები — „შეყრა“ და „გაყრა“ ერთ მუსიკალურ წარმოდგენაში მოაქცია.
სპეციალურად ბათუმელი მაყურებლისთვის შექმნილი მუსიკალური ნაზავი ახალი ბულვარის ზღვისპირა ზოლში მდებარე მულტიფუნქციური ვენიუს — G17-ის სცენაზე დაიდგმება.
ინფორმაციისთვის: G17 ბათუმის ახალ ბულვარში, ზღვაში შეჭრილ ხიდზე კონსტრუირებული კონცეპტუალური სივრცეა, რომელიც სავახშმო, ლაუნჯის, ბარის, სცენის და კაფის ჩანართებითაა დაგეგმარებული და სტუმრებს, რაფინირებული ვახშმისა და მუსიკის ცოცხალი შესრულების გამოცდილებასთან ერთად, სტუმარ-მასპინძლობის პერსონალიზირებულ მომსახურებებს და თანამედროვე ხელოვნების ნიმუშებით შექმნილ ინსტალაციებს სთავაზობს.
ცნობისთვის: ღონისძიებაზე დასწრების შესახებ დეტალებისთვის, შეგიძლიათ დაუკავშირდეთ G17-ის გუნდს, ნომერზე: (+995) 511 44 17 17
