„საკალათბურთო კლუბი ბათუმი“ სუპერლიგის ნახევარფინალში გავიდა. ბუბა ბერიშვილის გაწვრთნილმა გუნდმა 1/4-ფინალის გადამწყვეტ, მეოთხე შეხვედრაში 94:85 დაამარცხა „ივერიონი“ და ნახევარფინალის საგზური მოიპოვა.
მატჩი მეოთხედების მიხედვით ასე წარიმართა: 29:15, 19:23, 19:26, 27:21.
შეხვედრის საუკეთესო კალათბურთელად „ბათუმის“ ლეგიონერი მაირინ ტომასი დასახელდა. ტომასმა მატჩის განმავლობაში 33 ქულა, 14 მოხსნა და 4 პასი დააგროვა, ხოლო ეფექტურობის მაჩვენებლით (EFF) 38 ქულა მიიღო.
„სკ ბათუმმა“ „ივერიონთან“ საფლეი-ოფო სერია 3:1 მოიგო. ნახევარფინალში „დელფინების“ მეტოქე „ქუთაისი 2010“ იქნება.
ავტორი: დიმიტრი გორგილაძე
