ბათუმის საქალაქო სასამართლოში 16 დეკემბერს გზის სავალი ნაწილის ჩაკეტვის ფაქტზე ბრალდებული 12 პირის პროცესი გაიმართა.
საქმე განიხილა მოსამართლე ალექსანდრე გოგუაძემ, რომელმაც მხარეებს დეტალური მტკიცებულებების წარმოდგენისკენ მოუწოდა.
დაცვის მხარის მტკიცებით, ბრალდებულთა უფლებები შეკრებისა და გამოხატვის თავისუფლების კუთხით დაირღვა. მათი თქმით, აღნიშნული ქმედებები არ უნდა შეფასდეს სამართალდარღვევად.
მოპასუხე მხარემ სხდომაზე აღნიშნა, რომ საქმის მასალების გაცნობისთვის არასამუშაო დღეებმა ხელი შეუშალა, რის გამოც სხდომის გადადება მოითხოვეს.
მოსამართლემ პროცესი ნაწილობრივ გადადო: 12 ბრალდებულიდან რამდენიმე პირის საქმე 16 იანვარს განიხილება, ხოლო დანარჩენების – 20 იანვარს.
https://www.facebook.com/share/v/1FPwc2xeJn/?mibextid=wwXIfr
