AJARATIMES.GE-ის ინფორმაციით, ბათუმში, გაუმართავ ლიფტში ოთხი ადამიანი დაშავდა. დაშავებულები კლინიკაში გადაიყვანეს. თვითმხილველთა თქმით, კაბინა მეხუთე სართულიდან მოულოდნელად ჩავარდა.
შემთხვევა ფარნავაზ მეფისა და ლერმონტოვის ქუჩების გზაჯვარედინთან მოხდა, ადგილზე მობილიზებულია პოლიცია. ორი დაშავებული კლინიკა BMC-შია მოთავსებული.
“დედა-შვილს წვივის ძვლის მოტეხილობა აღენიშნება და ამზადებენ ტრავმატოლოგიური ოპერაციისთვის. მათი მდგომარეობა ამ ეტაპისთვის სტაბილურია,” – განმარტავენ სამედიცინო დაწესებულებაში.
ორი პაციენტი სხვადასხვა ტრამვით ბათუმის რესპუბლიკურ საავადმყოფოშია მოთავსებული.
