სურსათის ეროვნული სააგენტოს ინფორმაციით, ბათუმში რძის პროდუქტების არალეგალური წარმოებისა და რეალიზაციის ფაქტები გამოვლინდა.
სააგენტოს ინსპექტორების მიერ ჩატარებული კონტროლის შედეგად დადგინდა, რომ ფიზიკური პირი დ.ს. (მის: ქ. ბათუმი, ჩოლოყაშვილის ქ N 89) რძის შემცველი პროდუქტის საბითუმო რეალიზაციას სავალდებულო აღიარებისა და ეკონომიკური საქმიანობის რეგისტრაციის გარეშე ახორციელებდა. ამასთან, გამოვლინდა ჰიგიენური ნორმებისა და პროდუქტის შენახვის პირობების დარღვევაც.
ამავე შემოწმების ფარგლებში დადგინდა, რომ შპს „გურია“ (მის: ქ. ბათუმი, კომახიძის 83ა) ასევე, საქმიანობდა სავალდებულო აღიარების გარეშე. სააგენტოს ცნობით, გამოვლენილი დარღვევების გამო ბიზნესოპერატორები დაჯარიმდნენ და მათ საწარმოო პროცესი შეუჩერდათ.
