2022 წელს 815 არასრულწლოვანი ორსული დარეგისტრირდა, ხოლო არასრულწლოვანთა მშობიარობის რიცხვი 434-ს აღწევს”, – ამის შესახებ საქართველოს სახალხო დამცველის 2022 წლის შესახებ მომზადებულ ანგარიშში წერია.
ლევან იოსელიანის თქმით, ადრეულ ასაკში ქორწინების პრობლემა მნიშვნელოვანი გამოწვევაა საქართველოს გარკვეულ რეგიონებში.
როგორც, სახალხო დამცველი ამბობს, საჭიროა განათლებისა და მეცნიერების სამინისტროსთან ერთობლივი მუშაობა, რათა თავიდან იქნას აცილებული მსგავსი შემთვევები.
“ადრეულ და ბავშვობის ასაკში ქორწინების საზიანო პრაქტიკა კვლავ მნიშვნელოვან გამოწვევად რჩება.
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, 2022 წელს 815 არასრულწლოვანი ორსული დარეგისტრირდა, ხოლო არასრულწლოვანთა მშობიარობის რიცხვი 434-ს აღწევს.
საქართველოს შინაგან საქმეთა სამინისტროში შესაძლო ადრეულ ასაკში ქორწინების 171 ფაქტზე დაიწყო გამოძიება.
2022 წელს სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მიერ შესწავლილი ადრეულ ასაკში ქორწინების შემთხვევების რაოდენობა (400 ფაქტი) მკვეთრად აღემატება გასულ წლებში შესწავლილი საქმეების რაოდენობას.
ამასთანავე, კვლავ პრობლემურია ბავშვობის ასაკში ქორწინების გამო, არასრულწლოვანი გოგოების მხრიდან განათლების მიღების შეწყვეტა”, – ვკითხულობთ ლევან იოსელიანის ანგარიშში.
ცნობისთვის, ბავშვის ასაკში ქორწინების ფაქტზე ინფორმაციის ფლობის შემთხვევაში, 112-ს უნდა დაუკავშირდეთ ცხელი ხაზის ან მობილური აპლიკაციის მეშვეობით. ფაქტის შეტყობინება შეგიძლიათ ანონიმურად.
